Hata umpasa ni dongan sahuta sibagi olopolop

Balintang ma pagabe tumandalhon sitadoan
Saut ma angka ianangkonta i gabe ai nungnga saut hita masipaolooloan

Aek Sihurukhuruk tu silanlan aek Toba
Ndang adong be na marungutungut, nungnga sude hita marlas ni roha

Bintang na rumiris tu ombun na sumorop, toho di rondang ni bulan
Anak pe antong di nasida sai riris, boru pe torop, angka sioloi Tuhan Read the rest of this entry

Umpasa dohot hata pasu pasu

Ramba poso dope ito parumaenmi na so tubuan lata
Halak na poso dope parumaenmi, na so umboto agiaha

Marmutik ma lasiak dompak mataniari
Malo ma hot ito manganju parumaenmi arian nang bodari

Andor halumpang ma togutogu ni lombu
Sai saur matua ma itongku pairing iring pahompu

Hata Poda Tu Hela dohot Boruna

Parasaran ni misang tombak ni Panggabean
Sai masiaminaminan ma hamu songon lampak ni pisang
Sai marsintungkultungkolan songon suhat di robean

Aek sihoruhoru di toru ni dolok Martimbang
Rap manimbung ma hamu ia tu toru, rap mangangkat ia tu ginjang

Napuran ni Lumbanjulu tu gambir ni Pahae
Rap Mangalangka ma hamu ia tu julu
Rap mangambe ia tu jae Read the rest of this entry

Hata Umpasa Mangampu pasupasu sian hulahula

Doding ni doding, doding ni Mandalasana
Angka paspasumuna i sai unang ma muba unang sesa

Naung sampulu sada ma jumadi sampulu tolu
Angka paspasumuna i sai anggiat ma padenggan ngolungolu

Naung sampulu pitu jumadi sampulu ualu
Angka pasupasumuna i sai hot mai di tonga ni jabu Read the rest of this entry

Umpasa Batak Mangadopi natua tua

Andor halumpang ma togutogu ni lombu dohot togutogu ni horbo laho tu Lapogambiri
Sai saur ma hamu leleng mangolu paihutihut pahompu sahat tu na marnono dohot marnini

Tinpu bulung ni sabi nibutbut pinaspashon
I dope na tarpatupa hami ba i ma jolo tahalashon

Hata sian undangan tu natuatua i:
Polta bulan i Ama ni Manggule: Ro nuaeng angka pomparanmu mamboan sipanganon ba dohot hami mauliate Read the rest of this entry

Follow

Get every new post delivered to your Inbox.